點解叫十下十下
十下十下嘅意思係指我地拍片support大家嘅同時，大家都會subscribe我嘅個channel，希望大家支持本土創意文化。
我哋想香港人可以日日打邊爐，食乜都可以自己揀，大家有講有笑，開開心心過每一日。十下十下同時，可以將工作功課壓力放低，一邊大啖大啖喫，爽！
希望我哋嘅創作，可以俾大家食過晚餐後，同身邊嘅家人朋友（係時候開心些牙）一齊睇我哋嘅片，咁我哋就滿足喇。
當你哋覺得好睇嘅時候，記得要同另一半 give me ten支持下，我哋會永遠感謝你架。
關於我們
點解搞十下十下
一個人十下十下咁一日過一日，不如一班人一齊十下十下咁拍下片。
我哋集結咗三個全港最無所事事，不學巫術，早已輸在射精前嘅廢青，利用我哋年輕人最多嘅時間，最少嘅金錢，雖然無資源無技術，但我哋就抱住年紀輕輕，破產唔驚嘅態度，踱橋諗野拍片。
我哋講明先，我哋都想買樓，人地話要儲一百年前先俾到首期，咁依一百年我哋都係廢青廢中廢老？！ 所以拍片個陣可能應該好大機會拍硬銷軟銷植入嘅廣告，幫補一下，希望過幾年夠錢買一格階磚，就夠啦！
點解要睇十下十下
無人叫你睇，但你唔睇一定係我既損失。無人叫你睇，咁可能係你朋友唔多，又可能係因為我地無錢宣傳，令你哋唔識我，真係好對唔住。雖然我哋成日都十下十下，但係撞下板先可以十出個未來。我哋要相信“夢想”唔係得發夢同空想，係要行動!要行出第一步，先會有下一步，夢想先會實現。
十下十下今日只有我哋三個，我哋相信香港人係最有善心，最團結既民族，我地愛香港，願香港祝福我地，我哋會俾心機制作多些高汁嘅影片俾大家笑下，多謝。睇到呢到，就可以轉移玉步立即去片喇！
十下十下創辦人
某年某月某日，三個廢青相約火鍋店十下十下，不約而同講起想拍片，但自己知自己事，又唔叻，又唔靚女，又唔聰明，又無身材，又…下刪十億字。但一個人一個腦，三個人三個腦， 最重要係有團火， 所以三個廢青決定開個台，娛己娛人，十下十下將僅餘既青春燃燒！
有人話香港地搞創作，從來得乞食。乞食唔緊要，最緊要可以乞到你地既掌聲，你地嘅like。我地要嘅嘢好簡單，就係想你地支持我哋，睇住我哋大，祝我地拍片成功就得啦。
花膠
我哋只係好平凡既年輕人，但我哋差唔多年紀三個人，雖然起步什麼都沒有，只有三股衝勁同心口寫住個勇字，但我哋有嘅係無限嘅決心同熱誠。不斷有唔同挫折打擊我地，到現在可以就快開到台，我地只要尚有一個觀眾想睇我地，我地都會堅持拍落去，為夢想作戰到底！
姚柱
作為一個普通嘅大學生，不甘心生活就如此咁無趣平淡，想揾返自己嘅存在價值。雖然對前路感到迷茫，但我淨係知道呢刻想拍片就得！自己嘅初衷就係令呢度充滿更多歡笑 。希望觀眾比個機會我哋，亦都比個機會你哋去感受下歡樂！安迪沃荷講過人人都可成名15分鐘，但如果我哋唔踏出第一步就乜做唔到，希望十下十下可以“十”出成名的15分鐘。
Gas Lo
香港人生活壓力大，但係即使壓力大，我地香港人既意志不會被磨蝕，依然自強不適不屈不撓。我希望用心中嘅一團火，用正能量去創作去拍片，為香港人打打氣。用我哋嘅力量去感染身邊每一位香港人，香港加油💪🏻！
大學KOL推廣
出post宣傳
影片拍攝
大專大學活動
後期製作
大專大學贊助
